Bare

Jeds Jahr am Fasenachtsmandie, wenn sich die Kümmerli üwer Noachd in Garddewörscht verwanneld hömm unn die Peitschli nach Frischluft japse, dann isses widder souweit: 

Ächti Zell'nger Narre ware uhrüawisch unn eh sou a "dummer Deifel" muss sich hargab unn sich in fünnef bis siewe Arfel Arwesstroha einbinn lass. Doadebei is dar Karla eichtlich goar nit so arm droh, weil schöa warm hat ersch uff jeden Fall. Dia Dreiwr ziechän und zerren scho in die richtiche Richtung unn jeder Annerer in sou erer Bäredruppe hat eichtlich mehr zoam doann: 

Dia Dreiwr mösse wia scho gsacht, zieäch und zerr unn nawebei no badsch dass es nur sou knallt. Die Kassier renne sich die Beh wache dare närrische Märgli ausm Bauch. Damm oder im bäiste Fall darä Orchler hangt es Inschtrumend wia ä Steh ümm'n Hahls. Därr Deifelsgeicher koa die Flüchel nämmr ghäib wenns rümm iss. Unn salbst die Köuch'i muss schaff dass sie schwidzd, weill Mittach dia ganze Rass künnt unn Hunger hahd.

Was mecht mer nit ölles für dia Dradition unn försch Brauchtum - unn doa gäihts doch sou Affä, dia mehne, das wär Spahss...

...zu den Bildern